Kryeministri Edi Rama mori pjesë sot në Kongresin e parë të Infermierisë shqiptare të organizuar në Tiranë. Rama lartësoi rolin e grave infermiere dhe u kërkoi burrave që të mos u mbetej qejfi për këtë, sepse sipas tij gratë janë më pak të korruptueshme.
Kryeministri paralajmëroi se infermierët do të kenë një tjetër rritje page sivjet.
“Nesë zoti do ishte njeri, do ishte infermier. Njerëzit kanë perceptimin e gabuar për shëndetësinë, ndaj edhe reforma në shëndetësi është themeli i zhvillimit dhe do të bëjmë që në sistemin shëndetësor të mos vendosin më partitë për punësimin” – e nisi fjalën kreu i qeverisë.
“Dëshiroj ta mbyll aty ku e nisa, nëse Zoti do ishte në tokë do ishte infermier, madje infermiere. Nuk pretendoj që të jeni mishërimi i Zotit në tokë, por do t’iu lutesha që secili të bëjmë të vetën për t’i dhënë sa më shumë dinjitet dhe për ta bërë sa më të respektueshëm rolin dhe detyrën e infermierit, sepse ka një rëndëis thelbësore, jo vetëm për momentin e sharbimit por edhe për shoqërinë.
Një shprehje thotë nëse trajton një smëundje, ose fiton ose humb, por kur trajton një njeri është e sigurt se ti vetëm ke fituar. Ju trajtoni shumë njerëz në ditë, dhe jeni vetëm të fituar. Mallkimi i punës time, sado që trajtoj ata të species time, vetëm humbas. Pa dashur të konkurroj me thënien e jashtëzakonshme të Atit të Shenjtë, ju them se nëse Zoti do ishte në tokë, do ishte infermier, nëse djalli do ishte në tokë do ishte në parlamentin tone”, thotë kryeministri
