Zenel Neza u pyet, apo u porosit të mos tregonte ç’kishte parë e dëgjuar atë natë?
Shkruan: Memo Aliaj
Sipas deklarimeve të bëra prej ish-bodigradit tropojan Izet Haxhiaj, me akuza për ish-shefin e tij tropojan Sali Berisha, duke e akuzuar për vrasjen e deputetit tropojan Azem Hajdari, dosja e kësaj vrasjeje ka hedhur hapin e parë të rihapjes. Kushti i vendosur prej Haxhiajt është kërkesa, që procesi i rihapjes së dosjes, të përfshijë marrjen në pyetje edhe të ish-bodigardit të Azemit, tropojanit Zenel Neza, plagosur në atë antenat dhe “postuar” me urgjencë jashtë shtetit si azilant, me urdhër, me “porosi të posaçme” dhe me ndërhyrje të Sali Berishës.
Nuk e kemi fjalën, këtu për faktin që të gjithë ata që akuzohen dhe janë dënuar e nuk janë dënuar për vrasjen e Azemit dhe ata që akuzohen si ideatorë, organizatorë dhe të nxjerrjes në “shteg”, janë tropojanë, mbasi kjo është një hisotri e përsëritur edhe me Bajram Currin, vrasja e të cilit u realizua vetëm nga tropojanë.
Sipas zërave nga pala e Izet Haxhiajt, thuhet se rihapja e dosjes do të përfshijë jo vetëm kërkesën për rrëzimin e gjykimit në mungesë, por edhe futjen në dosje të provave e dëshmirve që sipas tij ekzisotjnë, por nuk janë futur në hetim dhe nuk janë paraqitur e pranuar në gjykim.
Konkretisht, një nga këto prova është regjistrimi me kasetofon, i bisedës që Sali Berisha ka bërë atë natë në spital, me tropojanin Zenel Neza, truproja i plagosur i Azem Hajdarit, i cili për fatin e tij është ende gjallë dhe jeton jashtë Shqipërisë.
Fakti është ky: Vetëm pak minuta pas vrasjes së Azemit më 12 shtator 1998, Sali Berisha, i shoqëruar nga drejtuesi i gazetës së SHIK-ut “Albania” (Y.R) dhe nga tre njerëz të besuar të tij në kupolën e PD, nxitoi e shkoi me urgjencë në spital, për të “kapur i pari” dëshminë e truprojës së plagosur Zenel Neza. Madje edhe duke mos lejuar as mjekët që i kërkuan të mos pyeste të plagosurin. Nuk lejoi, por kërcënoi edhe policinë e cila në bazë të ligjit, i kërkoi të mos ndërhynte në punët e saj, duke pyetur privatisht të palgosurin, mejgithëse Zenel neza ishte marrë në mbrotje prej policië në spital.
Mirëpo, situata e krijuar dhe mendimi se mund të krijoheshin trazira të dhunshme, mbasi jashtë spitalit ishin grumbulluar qindra militantë të acaruar të PD, policia u tërhoq dhe Sali Berisha vazhdoi të merrte në pyetje Zenel Nezën, duke e regjistruar rrëfimin e tij, për ato çfarë kishte parë e dëgjuar atë natë në selinë e PD, nga Azemi, nga ata që qëlluan dhe nga vendi ku ndodhi vrasja!
Kjo jaksetë e bisedës ë regjistruar mes Sali Bershës dhe zenel nezës, nuk është në dosjen hetimore dhe kësaj kasete i referohet edhe izet Haxhiaj, duke këruar që drejtësia ta detyroj berishën ta dorëzoj si provë konkrete. Thuhet, se Berisha i ka kërkuar Zenel Nezës dhe e ka instruktuar, që përpara drejtësisë të deklaroj një deshmi tjetërm ndryshe nga realiteti që ka ndodhur.
Fill pas kësaj bisede, Zenel Neza u “postua” jashtë Shqipërisë për gjoja “trajtim mjekësor të specializuar”, i shoqëruar nga të besuar të Berishës gjatë “fluturimit” e deri në destinacionin e “ngujimit” në një adresë të sigurtë, pa kontakte të “dyshimta”! A do të zbardhet biseda e Zenel Nezës, zhvilluar me Sali Berishën ata natë në spital dhe, a do ta detyroj prokuroria Berishën ose shoqëruesit e tij në atë bisedë, që ta dorëzojë atë regjistrim?
