Një 30-vjeçar shqiptar është vënë në pranga në Parma, Itali. Policia kishte dalë për të parandaluar vjedhjet, kur kanë vënë re një makinë ‘Passat’ të dyshimtë.
Policia i është vënë mbrapa shqiptarit, i cili sapo i ka vënë re, ka nisur të largohet me shpejtësi.
Në një moment ka bërë sikur ka ndaluar, duke i futur më pas marshin e ‘pestë’ e duke ikur me shpejtësi.
Shqiptari është ndjekur deri në qendër dhe policia me dy makina i ka ndërprerë rrugën, duke bërë që shqiptari 30 vjeç, të mos kishte nga të shkonte.
Gjatë kontrollit, policia i ka gjetur atij disa doza kokainë. Por me të hapur bagazhin e makinës është vënë re një modifikim i çuditshëm.
Nga kontrolli i ushtruar është gjetur një sasi e konsiderueshme droge të llojit kokainë me peshë 2.1 kilogramë e ndarë në disa pako.
Zyrtarisht bënte punën e kamerierit, por në kohë të lirë merrej me shitje droge.
Droga në treg kishte një vlerë prej 200 mijë eurosh.
