Të shikoj më ka ënda
Sorkadhe që ndrin si hëna
Sy e vetulla argjënda !
Kur më shkon parë tek tënda
Të shikoj e më ka ēnda.
Lastarja belin unazë
Ç’më bëre vashëz moj ngjalë
S’mē le të jetoj dynjanë
Ikën mend e kokës, vanë.
Bukuria më verboi
Sy e vetull më shajtoi
Do të dal parë tek kroi
Se zemra më shkatërroi
Shamia që mba në grykë
Flladi i verës e valvit.
Mbulon gjerdan e fildishë,
Ahh në krah kush të të kish.
Me ëngjëll të thellë kesh dalë,
Kopea më mori parë.
Ku dole a gjeç belanë,
Ikën forcat e më lanë.
Thëllëza tha mirmëngjes
Hapin lehtë e hedh mbi vesë.
Më tha djalë bën kujdes
Mos ja hiq mendjen kopes.
Mblodha veten,
shkova halë
Qëndro të këmbejm dy fjalë
Të kuptosh si e kam hallnë.
Që ditën që të kam parë
Kërkoj kurë e s’gjej dermanë
Vashëz të dua moj xhan
Këtë jet bashkë ta ndajmë.
Bënëm pjes se më çëmnde
Të bëj bé për kokën tënde
Jam besnik e më ke vlerë
Të kam lezetin në derë.
More çobani kopesë
Pyet plakun e senesë
Un përgjigje do të pres
Dua fjal e dua besë.
O bilbil po më beson
Zemra po mē shkatërron
Nga ti dua fjalë e besë
Të lidhemi për martesë.
Zhaneta Fisti
