Pas shumë daljeve të filozofëve dhe mendjellinjve që ka Lulzim Basha vërdallë, dje në medie u shfaq edhe kryefilozofi që në fakt duket të jetë fytyra e vërtetë e Lulzim Bashës, Nard Ndoka.
Nardi dje doli në televizione dhe bëri apel për bashkimin e Partisë Demokratike, apo rreth Lulzim Bashës. Në fakt ai që fliste nuk është as anëtar i PD-së, por është kryetari i një partie aleate që njëherë ka qenë me PD-në, më pas shkoi tek Partia Socialiste më 21 janar të 2011 dhe ka qenë në krah të Edi Ramës kur sulmoheshin institucionet e shtetit.
Për të rrëmbyer karrigen e deputetit, tradhëtoi Edi Ramën dhe u fut në listat e Sali Berishës, e më pas qëndroi në listat e Lulzim Bashës.
Por Nardi në analizën e tij politike duhet të tregojë shembullin e vet se si ai e jep mendimin dhe se si rekomandon që njerëzit duhet të bashkohen rreth Lulzim Bashës. Sepse ky person që flet për bashkim ka qenë gjithmon përçarës.
Në vitin 1999, Nard Ndoka atëherë deputet i Partisë Demokratike e braktisi këtë forcë politike, e braktisi dhe ju bashkua Genc Pollos. Më pas në vitin 2001, sërish kandidoi nga PDR duke e përçarë PD-në dhe duke i shkaktuar atë vit humbjen, ashtu siç ia shkaktoi LSI-ja PS-së në vitin 2009.
Më pas Ndoka braktis dhe Genc Pollon, por sëbashku me Nikoll Lesin dhe disa të tjerë mblidhen rreth Partisë Demokristiane, por që këtu nuk ikën me. Në fakt e vërteta është se tek PDK ka mbetur kryetar i vetëm në detyrë, ashtu siç do Lulzim Basha, pa dhënë kurrë dorëheqjen edhe pse humbi elektoralisht. Duke qenë kryetar i një partie thjeshtë dhe vetëm duke marrë mandatin e deputetit. Duke qenë në krye të një force politike për t’i siguruar vetes benefitet dhe për asgjë më tepër.
Ky njeri i cili ka ndërruar 10 parti ka ikur sa majtas-djathtas, që është një nga ata që mund të quhen qesharakët e Kuvendit, kryefilozofi i Lulzim Bashës, dhe i fundit ky patjetër që prej kohësh ka marrë fytyrën e tij. Nëse do të kemi parasysh dhe deputetë e tjerë të këtij niveli si Ervin Salianji, si filozofi i shkëlqyer tjetër Klevis Balliu, si intelektuatët me vlera të mëdha që mblidhen rreth Lulzim Bashës, bashkuesit e mëdhenj që kurrë nuk janë larguar nga PD-ja si Genc Pollo, Tritan Shehu etj.
Nard Ndoka, është nga ata të cilët nuk duhet dhe kurrësesi nuk mund të japë rekomandime për bashkimin e PD-së, sepse ka qenë një përçarës dhe një humbës është shembulli me i keq i një politikani që edhe kur shkoi në krye të një institucioni u mbulua nga skandale.
Por si gjithmonë Nardin nuk e merr askush seriozisht. Ai është atje për të marrë rrogën e deputetit për të shtuar disa të ardhura në xhepin e tij dhe të familjes.
Kaq dhe asgjë më tepër, e në rast se Lulzim Basha dhe Partia Demokratike do të vazhdojnë të kenë simbol të tyre Nard Ndokën dhe filozofë të tjerë fytyra e kreut të PD-së, nga buzëqeshja qesharake ka për tu kthyer në fytyrën dhe simbolin e humbjes pa kufi.
