Nën sloganin e sivjetshëm të datës 18 Prill, “Trashëgimia për brezat”, DRKK Vlorë përgatiti një ekspozitë kushtuar kontributit të arkeologëve në vite. Duke kujtuar e falenderuar ata arkeolog të cilët nuk jetojnë më si: Ugolini, Dh. Budina, S. Islami, A. Nanaj etj, por edhe atë brez arkeologësh të cilët vazhdojnë të japin kontributin e tyre për arkeologjinë në rrethin Sarandë e Delvinë por edhe Trashëgiminë Kulturore në tërësi.
E vecantë tjetër e kësaj ekspozite lidhej me një prej paneleve të saj kushtuar 90 vjetorit të fillimit të punës së misionit arkeologjik Italian të drejtuar nga L.M. Ugolini në Butrint, duke ju lënë pas brenzave një pasuri të jashtëzakonshme. Ekspozita u vendos në ambientet e Bazilikës/ Sinagogë e më pas në shëtitoren e Sarandës ku u ndoq me mjaft kureshtje nga nxënësit e shkollave 9-vjecare e të mesme të qytetit të Sarandës por edhe nga qytetarë e dashamirës.
