Presidenti amerikan Donald Trump me anë të një postimi në rrjetet sociale ka reaguar pas kërcënimit të bërë nga Rusia se do të rrëzonte raketat e SHBA në një sulm të mundshëm në Siri, deklaratë kjo e bërë nga ambasadori i rusisë në Liban.
Por Trump e paralajmëron Rusinë që të “bëhet gati”.
“Rusia zotohet për të qëlluar çfarëdo dhe të gjitha raketat që godasin në Siri. Bëhu gati Rusi, sepse ato do të vijnë, të bukura, të reja dhe “të zgjuara”! Ju nuk duhet të jeni partnerë me kafshe që vret popullin e tij dhe gëzon për këtë!”, shkruan Trump.
Postimi në Twitter duket të jetë një njoftim jozyrtar i “vendimeve të mëdha” që Trump tha Uashingtoni së shpejti do të bënte të ditura lidhur me sulmin e dyshuar kimik në Siri.
Derklarata vjen pasi Rusia u zotua për të qëlluar mbi çfarëdo rakete amerikane që synon të godasë Sirinë.
