Georgia ka përjetuar një makth gjatë pushimeve të saj në Greqi. Teksa po shkonte vetëm në plazh, dy të panjohur filluan ta ndiqnin dhe, në atë moment, ndihma më e papritur erdhi nga askundi.
Studentja britanike, Georgia Bradley, ishte në pushime në Greqi, kur një gjë e tmerrshme i ndodhi asaj, shkruan ShkodraNews. Një mbrëmje doli për një shëtitje në plazh, kur dy të huaj filluan ta ndiqnin.
“Po ecja në plazh kur vura re dy burra që më ndiqnin. Ata filluan të më ngacmonin dhe të këmbëngulnin që të shkoja me ta, por i thashë disa herë që të më linin vetëm! “, thotë Georgia.
Pavarësisht nga “jo” e vajzës dhe përpjekjet e saj për të injoruar të dy burrat, ata vazhduan të këmbëngulin dhe, pas një kohe, u bënë agresivë.
“Një nga burrat më kapi nga krahu dhe në atë moment unë u frikësova sepse nuk kishte asnjë tjetër në plazh përveç meje dhe atyre”, thotë Georgia, shkruan ShkodraNews.
Megjithatë, në një pikë të caktuar, u shfaq një shpëtimtar i papritur me katër këmbë.
“Ai papritmas u shfaq nga errësira dhe nga askundi dhe filloi të lehtë fuqishëm. Pastaj, qeni filloi të hidhej mbi ta, e për fat të mirë, ky gjest i tij bëri që të dy burrat të largoheshin”, vazhdon e reja.
Të dy burrat u frikësuan nga qeni dhe u larguan nga plazhi.
Qeni e ndoqi Georgian deri në hotel dhe vajza pyeti rreth nëse dikush e njihte pronarin e tij, për fat të keq, pa asnjë dobi. Pra, Georgia shpenzoi pjesën tjetër të pushimeve së bashku me heroin e saj, të cilin vendosi ta quante Pepper.
“Më shoqëronte kudo. U ndjeva keq kur u kthyem në hotel dhe duhej ta linim në rrugë”, thotë Georgia.
Pak para se të nisej për në Mbretërinë e Bashkuar, Georgia vendosi ta birësonte qenin dhe, në këtë mënyrë, u ndihmua nga një shoqatë lokale për mirëqenien e kafshëve, shkruan ShkodraNews. Pas periudhës së karantinës, pasi kishte bërë të gjitha vaksinat e nevojshme, pas aplikimit të çipit dhe pas marrjes së gjithë dokumentacionit të nevojshëm, Pepper ishte në gjendje të udhëtonte me Georgia-n në Mbretërinë e Bashkuar.
Tani Pepper-it të vogël nuk i mungon asgjë, ka një shtëpi të bukur, ushqim në dispozicion dhe gjithë dashurinë e njerëzve që e rrethojnë.
Kjo histori tregon fillimin e një miqësie të çmuar, shkruan ShkodraNews. Lini një koment dhe mos harroni të ndani këtë histori të bukur me një fund të lumtur me miqtë tuaj në Facebook.
