Dalin pamje të reja nga përplasja e deputetëve të PD-së dhe policisë në ambientet e Gjykatës së Tiranës janë siguruar nga Balkanweb.
Në pamjet filmike duket deputeti i PD, Flamur Noka i cili pasi godet i vë dorën në fyt një efektivi policie që përpiqet të ndalojë hyrjen e tyre.
Deputetët e Partisë Demokratike kanë kërkuar të futen në sallën e gjyqit ku do jepet masa për të ndaluarit, duke thyer edhe derën.
Ata kanë hasur përballjen me policinë që ka tentuar t’i nxjerrë jashtë duke u konfrontuar edhe fizikisht.
Deputeti i PD, Edmond Spaho, ka thënë për gazetarët se është dhunuar nga policia, duke treguar dhe gjak në këmishën e fytyrën tij.
Deputetët e Partisë Demokratike nuk kanë asnjë të drejtë që të futen brenda ambjenteve të Gjykatës dhe ata kanë shkuar me qëllim që të rrihen me policinë.
Pasi kanë dhunuar policinë, deputetët e Bashës kanë dalë jashtë në kamera dhe janë ankuar se janë goditur nga policia.
