Pas verifikimit të pasurisë nga Komisioni i Pavarur i Kualifikimit, Vitore Tusha doli një figurë e pastër e gjyqësorit me pasuri të justifikuara por, KPK dhe ONM nuk janë mjaftuar me kaq.
Asaj iu kërkua t’i përgjigjej disa pyetjeve teorike dhe juridike për aftësitë, për të cilat gjyqtarja Tusha kërkoi kohë. Ajo u pyet mbi Konventën Evropiane, barazinë para ligjit apo kufizimin e lirisë.
Janë hetuar të gjitha pasuritë e gjyqtares, si një apartament në Tiranë, tokë arë 500 metra në Farkë, ndërsa nga një apartament në gjirin e Lalzit, i ka mbetur pa likujduar dhe 15 mijë euro.
Relatorja bëri të ditur se Inspektorati i Lartë i Deklarimit dhe Kontrollit të Pasurisë thotë se deklarata e pasurisë së Tushës është e saktë, nuk ka deklarim të rremë dhe është i justifikuar.
Më tej ajo u shpreh se të gjitha janë të justifikuara sepse u vlerësuan të gjithë dokumentet. Edhe DSIK thotë se konstatohet përshtatshmëri e figurës së Vitore Tushës.
