Gjendet motori i ujit që 32-vjeçari, Santo Ymeraj humbi që prej natës të së premtes, para gjashtë ditësh. Motori i detit është gjetur mbrëmjen e djeshme nga familjarët e 32-vjeçarit në Budva të Malit të Zi.
Motori ka qenë në largësi prej 10 miljesh nga bregu i Budvës dhe sipas familjarëve, ai ishte gjysmë i mbytur dhe vetëm pjesa e parë ishte mbi ujë.
Motori është vërtetuar nga vetë familjarët nga ngjyra e bardhe dhe disa shenja të tjera.
Ndërkohë që dhe ditën e sotme kanë vijuar kërkimet për gjetjen e trupit të 32-vjeçarit nga familjarët me mjete detare tip gomone si dhe një helikopter që e kanë marrë me qira vetë familjarët. Por deri tani asnjë shenje të trupit të Sato Ymeraj.
