Gjendja ekonomike e Shqipërisë dhe shqiptarëve dihet.
Ndonjëherë, pamundësia për të jetuar një jetë dinjitoze na detyron të bëjmë veprime me të cilat dëmtojnë veten tonë dhe të tjerët rreth nesh.
Një i ri nga Vlora, duke dashur të konsumojë një drekë modeste, ka shkuar me euro false në një prej picerive që ndodhen në lagjen “Pavarësia” në qytetin bregdetar.
Ai kishte dy kartmonedha 50 euro të falsifikuara dhe pasi pronari e kishte vënë re, ka lajmëruar policinë.
Në pranga ka rënë E. Todi, 26 vjeç, banues në Dëllënjë.
Materialet iu referuan Prokurorisë së Rrethit Gjyqësor Vlorë në ngarkim të shtetasit të lartpërmendur për veprën penale “Falsifikimi monedhave”.
