Deklarata e Kryeministrit Edi Rama në konferencën “Sfidat e emigracionit”, se emigrimi është i mirë, ka nxitur debat mes tij dhe ndjekësve në facebook.
Rama ka këmbëngulur që shifrat e raportuara nga opozita për një numër masiv të shqiptarëve të larguar jashtë vendit janë të pavërteta. Pikërisht largimet masive nga Shqipëria u bënë edhe shkak për replika të shumta mes qytetarëve dhe kryeministrit Rama, në profilin në facebook të këtij të fundit.
“Emigrimi i shqiptarëve si fenomen historik dhe shifrat e vërteta të largimeve e të rikthimeve çdo vit, të cilat janë larg së qeni “bombat” që hidhen përditë nga llogoret e propagandës politike e mediatike”, shkruan Rama në profilin e tij, ndërsa kanë vërshuar edhe komentet e shumta kundërshtuese.
Replikat
Komentuesi:Për çfarë rikthimesh po flet o burrë qeverie, rikthimet e detyrueshme apo ata që kthehen me idealizëm?
Edi Rama: Jo mor çun jo, flas për shqiptarë që rikthehen në Shqipëri vetë, për ata flas, po çfarë faji ke ti që dëgjon vetëm daullet e propagandës së dëshpërimit!
Komentuesi: Shqiptarët duan me ik të gjithë natën, ti thua po kthehen edhe zvicerianët. Po vinë të kërkojnë azil në shqipëri me ndihmë ekonomike 30 euro në muaj.
Edi Rama:Dëgjoj fjalën time më lart që të kuptosh si qëndron çështja e të drejtës së punës dhe mësoje edhe edukatën se ajo të ndihmon kudo, edhe jashtë.
Komentuesi: Vetëm trë herë kanë ikur shqiptarët masivisht në vitet 91 në 97 dhe 2013-2018.
Edi Rama:Ja dhe shifrat o king me veshë te gjatë, shikoji e gjej herën e tretë.
