10 miliardë euro janë zhdukur në mënyrë të mistershme nga llogaria bankare e ish-Presidentit të Libisë, Muammaar Gaddafit. Sipas mediave të huaja, në llogarinë e ish-liderit, në vitin 2013, në bankat e Belgjikës kanë qenë të ngrira plotë 16 miliardë euro.
Organet gjyqësore kanë hasur mungesën e parave në vjeshtë të vitit 2017, kur gjyqtari hetues, Michel Klai, i cili ishte përgjegjës për hetimin për pastrimin e parave të dyshuara të rrethit të ngushtë të Gadafit, kërkoi konfiskimin e aseteve të ngrira libiane.
Kjo pasuri është ngrirë nga marsi i vitit 2011, në përputhje me Rezolutën e OKB-së 1973. Belgjika nuk ka kërkuar kurrë shkrirjen e këtyre fondeve.
Sipas mediave, ekzistojnë shumë indikacione se Belgjika nuk i ka respektuar rregullat e OKB-së për ngrirjen e këtyre llogarive.
Para vitit 2011, kur Moammar Gaddafi u rrëzua nga pushteti, Libia ishte një eksportues i madh i naftës. Për të kontrolluar më mirë, në vitin 2006, qeveria krijoi Autoritetet Investuese të Libisë për të investuar paratë e fituara nga shitja e naftës jashtë shtetit.
Megjithatë, me ndërhyrjen e NATO-s në vitin 2011, OKB vendosi sanksione kundër pronës së qeverisë libiane dhe praktikisht konfiskoi 67 miliardë dollarë nga LIA, që ekzistonte në BE dhe SHBA. Në BE, megjithatë, qeveritë kombëtare kanë ngrirë vetëm shumat origjinale, ndërkohë që interesat dhe dividendët që kanë ndodhur pas vitit 2011 ishin të lira.
Një hetim i muajit të kaluar i kryer në Bruksel tregon se dikush ka marrë rregullisht interesin e 16 miliardë eurove të Gadafit.
Megjithatë, përderisa është duke u zhvilluar një betejë ligjore, shtrohet pyetja se ku u zhukën 10 miliardë euro?
