Ishin të rinj dhe të armatosur me thika, por kjo nuk e ka trembur aspak një 88 vjeçar të reagonte nga ajo që ishte duke parë, ku 5 të rinjtë po grabisnin një grua.
Ish-veterani i SAS, John Nixon ndërhyri menjëherë duke i dhënë një “mësim të mirë” grabitësve, teksa i pa të sulmonin një grua në rrugën “Raglan” në Londër.
Nixon mori disa plagë të lehta, por e arriti synimin e tij duke u kthyer në një hero, transmeton tch. Ai u trajnua si një komando në vitet 1940 dhe luftoi në luftën e Koresë si pjesëtarë i një njësie elite.
88-vjeçari, gjithashtu tha, se ai kishte marrë pjesë në misionet e inteligjencës në të gjithë botën, në vende të tilla si Egjipti, Lindja e Mesme dhe Gjermania.
