Gjatë vizitës së tij të dielën në Shtabin e Përgjithshëm të Aviacionit Ushtarak në Larisë, presidenti i Greqisë Prokopis Pavlopulos kërcënohet hapur Shqipërinë me Veto për anëtarësimin në BE.
Me ton të lartë dhe të ngarkuar emocionalisht, Presidenti i Republikës së Greqisë Prokopis Pavlopulos foli rreth çështjeve me Shqipërinë e Çështjen Çame.
Ai i kërkoi Shqipërisë, e cila është anëtare NATO dhe ka një perspektivë evropiane, për të respektuar ligjin, të drejtat e njerzore dhe të pronës, të drejtat në lidhje me minoritetin grek në Shqipëri. z.Pavlopulos bëri thirrje Shqipërisë për të shmangur sfidat ku ndër të tjera tha: “Është e pakonceptueshme që udhëheqja e Shqipërisë të ngrejë çështje çame. Përveç faktit se kjo çështje nuk ekziston, është më mirë që Shqipëria të mos kujtojë se çfarë do të thotë historia e të ashtuquajturave çamë gjatë periudhës së mizorive naziste në Greqi, nëse dëshiron të ketë ndonjë perspektivë evropiane. Më vjen keq që jam i drejtëpërdrejtë, por në ditë të tilla si kujtimi i holokaustit ata guxojnë të flasin për Çamë. Më mirë të mos kujtojmë historinë e atyre që u shfaqën si çamë në hapësirën greke. Respekti për historinë është baza ndërkombëtare për miqësinë dhe fqinjësinë e mirë“. Përfundoi presidenti i Greqisë Prokopis Pavlopulos, duke bërë akuza të rënda ndaj qeverisë së Shqipërisë.
[youtube https://www.youtube.com/watch?v=Vn2HRqd38e8]
https://youtu.be/Vn2HRqd38e8
