Aldison Belulaj, 23-vjeçari që vrau vajzën që donte e më pas qëlloi veten, ka ndërruar jetë një javë pasi kreu krimin.
Nga spitali i traumës, gazetari Erjon Skëndaj tha për News24 se mjekët i kishin humbur shpresat.
23-vjeçarit i punonte vetëm zemra dhe mbahej në jetë me aparatura, por nuk ishte koshient.
Skëndaj tha:
Ka qenë në komë të parikthyeshme. Mjekët i kishin humbur shpresat, ai nuk ishte koshient dhe mbahej me jetë me aparatura. I punonte vetëm zemra. Gjithë kohën ka qenë në terapi intensive. Mjekët kanë qenë në monitorim, por nuk kanë pasur mundësi të bënin më shumë. As jashtë shtetit nuk e çonin për shkak të gjendjes së rëndë”.
Aldison Belulaj qëlloi një javë më parë 21-vjeçaren Ariela Murati, e cila ndërroi jetë pas plumbave të marrë nga 23-vjeçari.
