Barcelona siguron një biletë për në gjysmëfinalen e Kupës së Mbretit. Skuadra katalanase ka përmbysur humbjen 1-0 në ndeshjen e parë, teksa në “Camp Nou” sonte në mbrëmje ka fituar me rezultatin 2-0 ndaj Espanjoli.
Derbi i Katalonjës është shumë i ndezur, por skuadra e Valverdes është dominuese me një mbajtje të topit që e kalon 80 për qind në minutat e para. Luis Suarez shënoi golin e avantazhit që në minutën e 9-të të ndeshjes. Blaugranët nuk mjaftohen me kaq, pasi shënojnë edhe golin e dytë me Lionel Mesin.
Sulmuesi argjentinas godet në hyrje të zonës në minutëne 25, teksa topi devijohet nga Naldo dhe më pas shkon në fundin e rrjetës. Në minutat në vijim rezultati nuk ndryshon edhe për shkak të pritjeve fantastike të Pau Lopez, ndërkohë që Espanjol ka mbajtur të hapur ndeshjen deri në fund.
Në 20 minutat e fundit u aktivizua edhe Kutinjo, që debutoi me fanellën e blaugranëve. Barcelona është ekipi i katërt që siguron një biletë për në gjysmëfinalen e Kupës së Mbretit pas Sevijas, Valencias dhe Leganes. Shorti do të vendosë për përballjet dhe do të jetë i lirë.
https://streamable.com/q10xp
