Ekspertët e Shëndetit Publik thonë se densiteti i situatës gripale në vend është shtuar por ende nuk mund të flasim për epidemi të gripit.
Më tepër se virusi i gripit që këtë vit është hasur virusi B H1N1, në vend janë duke qarkulluar më shumë viroza respiratore. Vetëm në një javë raportohen rreth 11 mijë raste në të gjithë vendin.
Por ajo që është më shqetësuese në këtë situatë gripi është shfaqja e fruthit në vendin tonë ku fëmijët janë të pavaksinuar ndaj tij, ndonëse disa prej tyre e kanë kaluar 1 vjeç, moshë në të cilën duhej aplikuar kjo vaksinë sipas kalendarit kombëtar të vaksinimit, por që prindërit e tyre e kanë refuzuar apo shtyrë në kohë.
Mjekët apelojnë që prindërit të bëjnë kujdes dhe nëse nuk e ke të domosdoshme paraqitjen në urgjencën e pediatrisë këto ditë të mund ta shmangin duke marre mjekimin e duhur tek pediatrët e qendrave shendëtësorë. Fruthi është sëmundje ngjitëse që shfaqet me temperaturë të lartë ekzema në fytyrë.Virusi i fruthit përhapet nëpërmjet kollitjes, tështimës, dhe zgjat nga 10 deri në 20 ditë.
