Në studiot e emisioneve televizive dje, debati u përqendrua te tema e ditës. Shkarkimi i drejtorit te Policise Haki Cako! Ne emisionin “Opinion” në Tv Klan pati edhe debate mes gazetarit të kronikës Spartak Koka dhe analistit Lorenc Vangjelin.
Debati nisi për çështjen e kanabizimit të vendit në vitin 2016. Lorenc Vangjeli u shpreh se ka qenë pikërisht kanabisi arsyeja që Haki Çako u shkarkua nga posti i Drejtorit të Përgjithshëm të Policisë së Shtetit.
Menjëherë ka reaguar gazetari Koka duke i thënë se në periudhën 2015-2016 kur ai dhe gazetarë të tjerë denonconin përhapjen masive të kanabisit, Lorenc Vangjeli e mohonte ekzistencën e këtij fenomeni.
Gazetari Spartak Koka: Ishim këtu kur ne nxirrnim hartat, Lorenci na thoshte ne ju po ja fusni kot. Të paktën keni një reflektim, se ai rasti i 2016, ka qenë dhe Artani ( i referohet Artan Hoxhës) këtu kur ne bënim diskutim për hartën e kanabisit dhe thoshte, shiko situata është më e mirë se e 2013. Kur statistikat sot tregojnë që situata e 2016 ka qenë e paprecedentë në 27 vite. Faleminderit që e pranon.
Analisti Lorenc Vangjeli: Ka dy gjëra të ndryshme të cilat ti i vendos në kohë të tjera. Spartaku ka qenë një skllav shumë i famshëm. Ishte dhe skllav, u bë dhe një hero.Gazetari Spartak Koka: Lorenci përdoret nga të dyja krahët, sipas interesave. Më vjen mirë që të paktën përdoresh për interesa të caktuara dhe njëherë shikon me syze optike, njëherë pa syze.
