Shkelja e rregullave etike ministrore i ka kushtuar shtrenjtë një anëtari të kabinetit britanik qeveritar.
Sipas mediave atje, Damian Green një nga ministrat më të afërt të kryeministres britanike Theresa May është shkarkuar nga kabineti qeveritar, pasi u zbulua se ai kishte shkelur kodin ministror.
Green iu kërkua të dorëhiqet, pasi u zbulua se kishte bërë deklarata të pasakta dhe mashtruese, për atë që ai e dinte rreth materialeve pornografike, të cilat iu gjetën në një kompjuter, në zyrën e tij.
Në reagimin e saj me shkrim kryeministrja May shprehu keqardhje të thellë për largimin ministrit, por tha se veprimet e tij janë larg sjelljes që ajo priste nga një ministër i qeverisë.
Zoti Green është ministri i tretë që do të largohet në një afat kohor brenda 2 muajsh, Michael Fallon dhe Priti Patel janë larguar në nëntor.
