Nga 20 mijë lekë shpërblim për 330 punonjës policie, të angazhuar për përballimin e përmbytjeve
Këshilli i Ministrave akordoi mbi 63 milionë lekë në formë shpërblimi për 2917 punonjës të Forcave të Armatosura dhe 330 të Policisë së Shtetit, për angazhimin dhe përkushtimin e tyre në ndihmë të banorëve të prekur nga përmbytjet e këtij fillim muaji.
Shpërblimi i punonjësve të angazhuar në strukturat e Policisë së Shtetit do të bëhet në masën 20.000 lekë për punonjës, për 330 punonjës dhe konkretisht:
• për Repartin Special “Renea” dhe Repartet e FNSH Tiranë, Fier dhe Shkodër, 70 punonjës;
• për Drejtorinë Vendore të Policisë Fier, 60 punonjës;
• për Drejtorinë Vendore të Policisë Durrës, 30 punonjës;
• për Drejtorinë Vendore të Policisë Tiranë, 30 punonjës;
• për Drejtorinë Vendore të Policisë Vlorë, 70 punonjës dhe,
• për Drejtorinë Vendore të Kufirit Migracionit Vlorë dhe repartin “Delta Force”, 70 punonjës.
