Sipas BBC-së bëhet me dije se më shumë se 170 persona kanë vdekur gjatë javës së fundit në përleshjet midis dy nënklanave në Sudanin e Jugut, ka thënë një deputet i vendit.
Dhuna në rajonin e liqeneve perëndimore ka shënuar gjithashtu më shumë se 200 të plagosur, shtoi Dharuai Mabor Teny. Pavarësisht nga përplasje në këtë vend, që janë të zakonshme, kjo e fundit është tronditëse, ka raportuar korrespondenti i BBC-së nga Nairobi.
Dhuna ka bërë që Presidenti Salva Kiir të shpallë gjendjen e jashtëzakonshme, duke vënë në lëvizje ushtrinë
Dhuna përfshiu të rinjtë e armatosur nga dy nënklane rivale Dinka, të cilët u përleshën së pari më 6 dhjetor.
Sipas raportimeve, deri më tani, nga të dyja palët ka 170 persona të vdekur, 342 shtëpi thuajse të djegura dhe 1.800 persona të zhvendosur.
Sudani i Jugut u bë i pavarur në vitin 2011 pas shkëputjes nga Sudani. Që nga ajo kohë, vendi është goditur nga konflikte të shumta etnike dhe politike.
Përpjekjet e ndërmjetësimit nga Bashkimi Afrikan dhe qeveritë e huaja nuk kanë arritur të sjellin paqe.
