A mund të quhet provokim vendosja e flamurit shqiptar në tabelën treguese horizontale në aksin Dervician-Kakavijë?
Flamuri kuq e zi është parë të qëndrojë në krye të kësaj tabele e cila sinjalizon kthesën nga e djathta për në fshatin Goranxi, kthesën nga e majta për në fshatin Bulo dhe në drejtimin jugor, për në Kakavije.
Ky është një fenomen që nuk ka ndodhur ndonjëherë në të kaluarën që në zonën ku jeton minoriteti grek në Dropull, të vendosen flamuj kombëtarë shqiptar pa prezencën edhe të flamurit grek. Pasnesër festohet 105 vjetori i pavarësisë së Shqipërisë dhe Gjirokastra apo dhe bashki të tjera, janë zbukuruar nga simbolet kombëtare shqiptare dhe mesa duket, nuk i ka shpëtuar edhe Dropulli pavarësisht se në këtë hapësirë, jeton minoriteti grek.
Kujtojmë se Goranxia është fshati i Vangjel Dules, kryetarit të PBDNJ.
