Ish-lideri historik i Partisë Demokratike, Sali Berisha, ka zhvilluar një takim me Lulzim Bashën.
Lajmi është bërë i ditur për “BalkanWeb” nga gazetari Osman Stafa, i cili raporton se Berisha ka qëndruar në zyrën e Bashës për më shumë se dy orë.
Nuk dihet se çfarë është diskutuar mes Berishës dhe Bashës, por ky takim vjen në ditën e zgjedhjeve në PD, ku mbi 75 mijë anëtarë të kësaj force politike po votojnë për të zgjedhur kreun e ri, që do t’i udhëheqë në katër vitet e ardhshme.
Vetë Basha dhe Berisha kanë votuar në Tiranë, ndërsa në garë janë katër kandidatë, kreu aktual i PD, Lulzim Basha, Fatbardh Kadilli, Edith Harxhi dhe Agron Shehaj./balkanweb
