[sgmb id=”1″]
Do të dalë sot para gjykatës italiane banda e Habilajve e arrestuar për trafik ndërkombëtar të lëndëve narkotike. Ndaj tyre rëndojnë një sërë akuzash të lidhur me trefikun e drogës dhe armëve, trafik i cili kap vlerën e rreth 20 milion euro.
Ka qenë gjykata e Katania ajo që nxorri një urdhër arrest për 11 persona pjesë e një organizate kriminale italo-shqiptare të trafikut ndërkombëtar të lëndëve narkotike dhe të armëve. Në operacionin e koduar ‘Rosa dei Venti’ u kapën edhe 4 shqiptarë, pjesëtarë të bandës së mirëorganizuar Habilaj.
Ndërkohë, autoritetet italiane kanë dorëzuar aktet e referuara dhe procedimin penal Prokurorisë së Përgjithshme shqiptare dhe kanë marrë pjesë në arrestimin e një prej 4 shqiptarëve që nuk u kap në territorin Italian, por që ishte në kërkim me një urdhër arresti ndërkombëtar të lëshuar nga Gjykata e Katanias me kërkesë të Prokurorisë.
Bëhet fjalë për Nezar Seitin, në rolin e përgjegjësit të transportit dhe përgjegjës për shkarkimet në Itali të lëndës narkotike, në organizatën e përfaqësuar nga Moisi Habilaj. Nga an tjetër, Maridian Sulaj e Fatmir Minaj, u arrestuan në 14 tetor në Ragusa. Ka qenë ngarkesa e fundit prej rreth 4 tonësh ajo që solli arrestimet dhe shpërthimin e një skandali në Shqipëri, ku në disa përgjime të këtij grupi kriminal përmendj edhe emri i ish-ministrit Tahiri.
Deri më tani janë arrestuar 4 pjesëtarët të bandës Habilaj:
Moisi Habilaj, i lindur më 18/01/1978 në Shqipëri i konsideruar kreu i kësaj bande
Fatmir Minaj.lindur në Shqipëri më 15/04/1962 banues në komunë Modica të Raguzës
Maridian Sulaj, lindur në Shqipëri më 27/01/2016 e banues në komunë Modica të Raguzës
Nezar Seiti lindur në Shqipëri më 30/03/1977 e i arrestuar në territorin e Shqipërisë
Italianët e arrestuar:
Vincenzo Spampinato, banues në Palagonia në provincën e Katanias
Gianluca Passavanti, banues në Katania
Angelo Busacca, banues në Raguza
Antonino Riela, banues në Katania
Ne kerkim:
Florjan Habilaj, vëllai i Moisi Habilaj, lindur në Vlorë më 11/10/1980
Armando Sulaj, vallai i Maridian Sulaj, lindur në Shqipëri ma 12/05/1984
Tigrens Mezuraj lindur në Shqipëri më 29/07/1994
Akuza ndaj anëtarëve të bandës së Habilajve është pjseëmarrje në organizm kriminal me aktivitet trafikun e lëndëve narkotike e armëve.
