Presidenti Ilir Meta ka reaguar për çështjen e detit me Greqinë.
Përmes një statusi në Facebook, Ilir Meta shkruan se nuk do të lëjojë cenimin e Kushtetutës dhe interesin kombëtar.
“Garantoj çdo shqiptar: Për “Detin” nuk lejoj cenim të Kushtetutës, të drejtave sovrane dhe interesit kombëtar”, shkruan Meta.
Debati për detin u rihap pas një vendimi të Qeverisë greke për t’u shtrirë me 12 milje.
Opozita akuzon Kryeministrin Rama për tradhëti kombëtare, ndërsa ky i fundit thotë se vendimi i Greqisë nuk ka lidhje me zonën e kontestuar mes vendeve, dhe se pretendimet për detin me fqinjin do të zgjidhen në gjykatën ndërkombëtare. /noa.al/
