Presidenti i Republikës, Ilir Meta, zbuloi se para ndeshjes me Bjellorusinë sulmuesi kuqezi, Sokol Cikalleshi, i kishte premtuar një gol.
Meta e pa ndeshjen në stadium dhe shkoi në dhomat e zhveshjes për të përgëzuar ekipin pas fitores, veçanërisht sulmuesin e dy golave.
“Cikalleshi është i paparë. Premton një dhe bën dy! Urime kuqezinjve tanë!”, – tha Meta pas fitores 3-2 të kuqezinjve, fitore që i ngjiti ata në vendin e parë të grupit 4, në Ligën C të Kombeve.
Sokol Cikalleshi realizoi dy gola në pjesën e parë të ndeshjes. Shqipëria e mbylli në fitore, 3-1 pjesën e parë. Takimi i fundit i Ligës së kombeve kundër Bjellorusisë u mbyll 3-2 në favor të kuqezinjve.
Golin e tretë për Kombëtaren e shënoi Manaj.
Kjo fitore ngjiti kuqezinjtë në Ligën B. /NOA.al
