Një vajzë 20 vjeçare nga Metoqi i Sarandës humbi jetën në maternitetin e Gjirokastrës në orët e para të mëngjesit të sotëm.
Klediona Muxhaj u soll në maternitet nga fshati Zhulat i Gjirokastës nga familjarët e bashkëshortit pas dhimbjeve të lindjes. Mjekët vendosën për ndërhyrje çezariane për shkak të pozicionit të fëmijës dhe ndërhyrje që u krye rreth orës 9.30 dhe zgjati gati 40 minuta. E reja u bë nënë e një djali me peshë 2,5 kg dhe të dy u konfirmuan në gjendje të mirë.
Rreth orës 3 të mëngjesit pas komplikacioneve në frymëmarrje mjekët vendosën për trajtimin në reanimacioni të 20 vjeçares. Gjendja, sipas kreut të spitalit Sokol Feruni u rëndua me shpejtësi dhe vajza ndërroi jetë rreth orës 04:00. Sipas tij, pritet që ekspertiza dhe autopsia të përcaktojnë shkaqet e vdekjes dhe përgjegjësitë nëse ka të tilla.
Nga ana tjetër familjarët e Kledionës kanë pretenduar për mjekim të pakujdesshëm dhe a kuzojnë mjekët se e kanë vënë re me vonesë përkeqësimin e gjendjes së vajzës.
Sokol Muxhaj vjehrri i vajzës tha se mjekët janë rikthyer në spital me vonesë dhe se mjekimi ka qenë i pavëmendshëm, raporton TCH.
Edhe vjehrra dhe kunati i vi ktimës konfirmuan gjendjen shumë të mirë dhe faktin se 20 vjeçarja nuk vuante nga asnjë sëmundje.
