[sgmb id=”1″]
Të tjera detaje janë zbuluar nga plagosja me armë në një pikë bastesh në qytetin Elbasanit. Mësohet se personi i plagosur është Marvis P. 33 vjeç, i cili është edhe pronari i lokalit të basteve.
Ajo që dimë deri më tani është se ngjarja ka ndodhur tek Turizmi i Vjetër, në një pikë llotoje, në rrugën ‘Beqir Dardha’. Burime për ‘Panorama’ bëjnë me dije se personi që ka qëlluar me armë është larguar. Ndërkohë që mësohet po nga të njëjtat burime se policia ka identifikuar autorin dhe është vënë në ndjekje të tij. Është bllokuar gjithashtu ambienti ku ndodhi ngjarja. Mësohet po ashtu se përplasja ka ndodhur për motive banale dhe se në polici janë shoqëruar disa persona.
