Kryetarja e LSI Monika Kryemadhi zhvilloi një takim me të rinjtë e Tiranës në sheshin “Nënë Tereza”, ku edhe dha karta për anëtarësimin e tyre në forumin rinor të partisë.
Disa pa maska dhe të shumtë në numër, Kryemadhi u ka thënë gjimnazistëve të Tiranës se prania e tyre në këtë takim ishte mesazh për shokët e tyre se “nuk ka virus që e ndal rininë shqiptare”.
Monika Kryemadhi tha se të rinjtë po largohen me dhimbje nga vend, dhe duke fajësuar qeverisje, ajo u shpreh e bindur se LSI është partia që ndal këtë “semundje”.
“Sot në këtë ditë u përgjigjeni shokëve tuaj, për të qenë pjesë e këtij aktiviteti dhe për të bërë prezent se nuk ka virus që e ndalon rininë shqiptare për të ndryshuar këtë realitet monstruoz që ka marrë peng të ardhmen tuaj”, – tha Kryemadhi.
Më tej, kryetarja e LSI tha se vetë kjo parti është krijuar nga të rinjtë eurosocialistë 16 vite më parë.
“Dua ti them çdo politikani që po i takove të rinjtë, po bisedove me ta, po nuk i gënjeve, po i deshe siç do fëmijët e tu, të rinjtë e Shqipërisë janë me ty”.
“LSI është partia që lufton për ta, që punon për të rinjtë, jeton për të rinjtë, është partia e të rinjve dhe të rejave. Në 16 vjet histori LSI u krijua nga të rinjtë eruosocialistë shqiptarë, u rrit me ta, krijoi LRI, e cila krijoi breza të tërë që sot janë drejtues të LSI”, – u shpreh Kryemadhi.
Kryetarja e LSI foli edhe për rëndësinë që ka arsimi cilësor në Shqipëri, por është lënë pas dore nga qeverisja e keqe.
/NOA.al
