Një ngjarje e rëndë është regjistruar në Tiranë gjatë ditës së djeshme. Një nënë 35 vjeç ka denoncuar në polici një person i cili ka kryer veprime të turpshme dhe ka kërkuar favore seksuale ndaj vajzës së saj të mitur.
Ngjarja ka ndodhur në shkallët e pallatit të tyre në zonën e Qesarakës. E mitura është hutuar kur është gjendur pranë të panjohurit që e ka prekur në vendet intime.
Në ato momente ka pasur lëvizje në shkallët e pallatit dhe personi është larguar. Vajza më pas i ka rrëfyer të ëmës ngjarjen. Kjo e fundit bëri kallëzim në polici, shkruan Balkan web.
Vajza e mitur u pyet në prani të psikologëve dhe është nxjerrë një identikit i personit të dyshuar. Po punohet dhe me kamerat e sigurisë në zonë për të bërë të mundur identifikimin dhe kapjen e autorit.
