Suksesi madhështor i Bajernit në Ligën e Kampioneve shënon një tjetër arritje të jashtëzakonshme për kampionët më të rinj të Europës.
Skuadra e drejtuar nga trajneri Hansi Flik, e cila mundi të pushtojë kontinentin e vjetër pas 7 vitesh mungesë bëhet i pari ekip në histori që fiton të gjitha ndeshjet e Ligës së Kampioneve në një sezon.
Për shkak të ndryshimit të formatit të ndeshjeve me eliminim të Ligës së Kampioneve këtë sezon, Bajerni luajti në total 11 ndeshje, por si asnjëherë më parë, ata bëhen ekipi i vetëm që tregohen absolutë në të gjitha takimet e këtij sezoni, që pati një fund të merituar për gjermanët.
Bavarezët ngritën trofeun e gjashtë të Ligës së Kampioneve, në 11 herë që kanë dale në finale.
