Njerëzit po debatojnë nëse vënia e një maskë funksionon kundër COVID-19, por Qendrat për Kontrollin dhe Parandalimin e Sëmundjeve (CDC) paralajmërojnë se janë dorezat mbrojtëse ato që duhet të hiqni.
CDC-ja amerikane dhe ajo europiane kanë lëshuar udhëzime, sipas të cilave përdorimi i dorezave nuk është një taktikë e nevojshme parandaluese kur bëhet fjalë për COVID-19.
“Dorezat nuk do t’ju mbrojnë domosdoshmërisht nga infektimi me COVID-19 dhe ende mund të çojnë në përhapjen e mikrobeve”, sqaron CDC.
“Mund të ndiheni të mbrojtur, sepse lëkura juaj nuk po prek një sipërfaqe, por sapo e zhvendosni prekjen nga ajo sipërfaqe në prekjen e maskës ose fytyrës suaj, kjo është ndotje, edhe nëse keni veshur doreza dhe kështu nuk keni arritur gjë në rrugën e sigurisë”, tha Allison Bartlett, kryemjeke e asociuar e Pediatrisë në Programin e Kontrollit të Infeksioneve, në Universitetin e Çikagos.
Sipas udhëzimeve të CDC, dorezat e ripërdorshme mund të përdoren gjatë larjes së enëve ose pastrimit të thellë të shtëpisë, por kjo ka të bëjë më shumë me mbrojtjen e duarve, sesa me parandalimin e transmetimit, duke rekomanduar veshjen e dorezave të disponueshme nëse kujdeseni për dikë që është i sëmurë dhe ekziston një rrezik i shtuar për të rënë në kontakt me sekrecionet e tyre./ atsh
