[sgmb id=”1″]
Një ngjarje e tmerrshme ka ndodhur në një aeroport të Uellsit – një aeroplan është rrëzuar, duke shkaktuar një “shpërthim masiv”.
Një pistë në aeroportin e qytetit Caernarfon është mbyllur tërësisht, pas aksidentit të tmerrshëm të avionit.
Ekipe të mëdha të punonjësve të shërbimeve të emergjencës janë dislokuar menjëherë në aeroport, pas raportimeve për një shpërthim, transmeton Gazeta Express.
Pamjet nga vendi i ngjarjes shfaqin një tym të dendur duke dalë nga avioni i aksidentuar.
Një dëshmitar ka thënë për “Daily Post” se ka dëgjuar një “shpërthim shumë të zëshëm” dhe “flakë masive”, pasi avioni ka fluturuar shumë ulët.
Mësohet se avioni ishte duke bërë përpjekje për të zbritur në tokë.
Policia e Uellsit Verior aktualisht ndodhet në pistën ku është shkaktuar aksidenti, dhe po merren me rastin.
