Kryeministri Edi Rama uroi sot 4 Korrikun, festën kombëtare të Shteteve të Bashkuara të Amerikës.
“Happy Birthday Amerika. Zoti i bekoftë Shtetet e Bashkuara”, tha Rama ndërsa ndau një video me disa mesazhe të rëndësishme të presidentëve amerikane, por edhe me pamje nga vizitat në Shqipëri të autoriteteve më të larta amerikane.
Rama veçoi mesazhin e Presidentit Xhorxh Bush, gjatë vizitës së tij në Tiranë, ku deklaroi mbështetjen për shpalljen e pavarësisë së Kosovës. “Mjaft është mjaft. Kosova duhet të jetë e pavarur. Ky është qëndrimi im. Kosova duhet ta dijë. Ky është një qëndrim i prerë dhe i fortë”, deklaroi Presidenti Bush nga Tirana.
Në video citohet thënia e Presidentit Abraham Lincoln: “Kur bëj mirë ndihem mirë, kur bëj keq ndihem keq”.
Një tjetër mesazh i veçuar përmes kësaj videoje është ai i presidentit Woodrow Wilson: “Ne duhet të besojmë në atë që u mësojmë fëmijëve”.
“Ky komb i madh do të durojë, ashtu siç ka duruar. Do të ringjallet dhe do të begatohet”, Franklin D. Roosevelt.
“Mos pyet çka bërë atdheu yt për ty, por çfarë bën ti për atdheun tënd”, John F. Kennedy.
“Unë kam një ëndërr”, Martin Luther King Jr./atsh
