Burhani, menaxher recepsioni salle në një prej hoteleve të qytetit është një nga 10 mijë e 548 qytetarët, të cilët kanë përfituar nga Paketat e Qeverisë Shqiptare në Qarkun Vlorë.
“Deri më sot 169 mijë e 900 qytetarë dhe 46 754 biznese kanë përfituar nga Paketa e Zgjeruar prej 40 mijë lekë”, – bëri të ditur ministrja e Financave, Anila Denaj, e cila ka publikuar një video me dëshminë e Burhanit.
“Unë jam më i vjetri në këtë hotel kam 15 vjet që punoj që në vitin 2006. Në muajin prill përfituam 40 mijë lekë pagë lufte që më ka kaluar në bankë”-, tha Burhani./atsh
