“Nuk kam fjalë për gjuhën e turpshme të atyre që duan të qeverisin Shqipërinë e sulmojnë me fjalët më të ulëta projektin Milot-Fier ende pa nisur mirë gara ndërkombëtare”.
Kështu deklaroi sot Kryeministri Edi Rama pas deklaratave të opozitës për projektin e segmentit Milot-Fier.
“Këta që fjalën e vjedhje e kanë në majë të gjuhës për çdo punë, si duket vetëm kanë vjedhur kur qeverisnin”, – tha Rama.
Kreu i PD-së, Lulzim Basha deklaroi sot nga Divjaka se qeveria ka dhënë koncesion 1.2 miliardë euro për një rrugë imagjinare Milot-Fier. Ai tha se “një pjesë e madhe e kësaj rruge është ndërtuar nga PD”. “Ky nuk është asgjë, vetëm një projekt tjetër vjedhje dhe pa pikë diskutimi nuk ka asnjë shans të realizohet”, tha Basha./atsh
