Amarildo Kreka, përgjegjës salle në një prej hoteleve të qytetit të Vlorës është një nga 10548 qytetarët, të cilët kanë përfituar nga Paketat e Qeverisë shqiptare në qarkun e Vlorës.
“Deri më sot 169 757 qytetarë dhe 46 754 biznese kanë përfituar nga Paketa e Zgjeruar prej 40 mijë lekë”, – bëri të ditur sot Kryeministri Edi Rama, i cili publikoi një video me dëshminë e Amarildos.
“Kam tre vjet që punoj në këtë subjekt, bëmë aplikimet në muajin prill dhe në muajin maj kemi marrë rrogën 40 mijë lekë. Nga momenti që kompania bëri aplikimin kur u hap procedura, maksimumi dy javë morëm pagën e luftës”, – tha Amarildo./atsh
