Në Vlorë u zhvillua një operacion nga ajri për shuarjen e vatrës masive të zjarrit në zonën e Pashalimanit.
Një helikopter i Forcës Ajrore i pajisur me mjetet e posaçme është pëfshirë në operacionin për shuarjen e zjarrit, pasi zjarri ka rënë në një zonë me shkurre të dendura duke bërë të pamundur ndërhyrjen e zjarrfikëseve.
Ministria e Mbrojtjes bëri të ditur se sipas raportimeve të deritanishme zjarri nuk rrezikon bazën detare të Pashalimanit.
Në terren ndodhen mjete zjarrfikëse të Vlorës dhe Repartit të Pashalimanit, forca të MSZH, AdZM dhe forca ushtarake./atsh
