[sgmb id=”1″]
Edi Rama: Më ka gjetur belaja me shqiptarët! Dal unë lakuriq, thonë s’ke turp pse dole? Veshin Skënderbeun, thonë pse e le ta vishnin?
Ilir Meta: Edhe këtë e kanë bërë o flori? Po nuk e dinë ata që me protokoll jam unë Skënderbeu? Do ta marrin vesh shumë shpejt se kush e ka shpatën e kush ka shalën.
Sali Berisha: Ky është një hap i ndërmarrë nga bandat e drogës që të heqin monumentin e heroit tonë dhe të vendosin atë të babait të tyre shpirtëror, Noriegës shqiptar. Nuk kanë faj këta por unë që nuk vura monumentin tim aty dhe le ta mbulonin pastaj po t’ua mbante.
Gramoz Ruçi: Sa kam parë unë që ju thotë mendja për Skënderbe aq të mira qofshin. Po në fund ai i sheshit ka mbetur.
Niko Peleshi: Ç’më pyesni mua, unë bujqësinë kam. Kalin e kishin mbuluar? Jo? Atëhere me lini rehat.
Erion Veliaj: Ka ardhur koha që shqiptarët të mësohen pa Skënderbe dhe pastaj të vendosim bustin e trashëgimtarit të tij.
Elisa Spiropali: Pse ju prishet gjaku që kanë mbuluar monumentin e Skënderbeut? Për nja 40 vjet e më shumë do ta kemi të gjallë në Bulevard. Më vonë të shohin e të bëjnë.
Kreshnik Spahiu: Nga Belgjika e largët ju paralajmëroj se po u kruajtët edhe një herë me Skënderbeun, do kthehem sic u kthye ai në Krujë dhe mos prisni falje.
