Sektori i ujit është një nga gjashtë prioritetet kryesore të qeverisë shqiptare.
Projekti “Mbështetje e BE-së për Shërbimet e Menaxhimit dhe Trajtimit të Ujërave të Ndotura” në bashkëpunim me Ministrinë e Infrastrukturës dhe Energjisë, synon të forcojë kapacitetet në nivel kombëtar dhe vendor në sektorin e ujit.
Veçanërisht ky projekt fokusohet në mirëfunksionimin dhe mirëmbajtjen e infrastrukturës përgjatë bregdetit shqiptar.
Përmes këtij projekti mbështetet përmirësimi i performancës së shoqërive të ujësjellës-kanalizimeve dhe operimi dhe mirëmbajtja e impianteve të trajtimit të ujërave të ndotura.
Po ashtu mbështetet rritja e kapaciteteve të personelit drejtues dhe teknik të shoqërive të ujësjellës-kanalizimeve përmes trajnimeve të ndryshme.
Edukim mbi rëndësinë e trajtimit të ujërave të ndotura është po ashtu në fokus të këtij projekti, përmes së cilit është kryer monitorimi i ujit. 38 shkolla dhe 2576 nxënës nga 9 qytete janë përfshirë në këtë projekt.
Informimi publik dhe biseda me qytetarët mbeten po ashtu të rëndësishme. Sipas të dhënave rreth 64% të qytetarëve janë të gatshëm të paguajnë për shërbime të përmirësuara të ujit dhe ujërave të ndotura./atsh
