Papa Françesku ka dhuruar 35 ventilatorë në vendet që po luftojnë me koronavirusin e ri, duke përfshirë një numër të konsiderueshëm në rajonin e tij të lindjes, në Amerikën Latine, njoftoi sot Vatikani.
“Papa Françesku, me origjinë argjentinase, dëshiron të shprehë konkretisht afërsinë e tij me vendet e goditura nga pandemia e COVID-19, veçanërisht me ato sistemi shëndetësor i të cilave ka më shumë vështirësi”, thuhet në një deklaratë.
Në detaje, Haiti mori katër ventilatorë, Republika Dominikane dy, Bolivia dy, Brazili katër, Kolumbia tre, Ekuadori dy, Hondurasi tre, Meksika tre dhe Venezuela katër.
Papa, gjithashtu, dhuroi dy ventilatorë në Kamerun, dy deri në Zimbabve, dy në Bangladesh dhe dy në Ukrainë, sipas deklaratës së lëshuar nga zyra e Bamirësisë Papale./atsh
