Tirana International Airport njoftoi sot se janë 14 fluturime të konfirmuara për ditën e premte.
Sipas TIA-s janë konfirmuar për ditën e nesërme fluturimet me kompaninë “Albawings” në linjat Tiranë – Firence dhe kthim, Tiranë – Rimini dhe kthim, Tiranë – Duseldorf dhe kthim, Tiranë – Hamburg dhe kthim, Tiranë –Bari dhe kthim dhe Tiranë – Venecia dhe kthim.
Me kompaninë “Wizz Air” do të fluturohet në linjat Tiranë – Dortmund dhe kthim dhe Tiranë – Bolonjë dhe kthim.
Me kompaninë “Air Albania” fluturohet në linjat Tiranë – Luton dhe kthim; me “Jonika Airlines” në linjën Kiev – Tiranë (Çarter Turistik). Me kompaninë “Air Serbia” në linjën Tiranë – Beograd dhe kthim.
Me kompaninë “Austrian Airlines” në linjën Tiranë – Vjenë dhe kthim. Me “Aegean Airlines”, Tiranë – Athinë dhe kthim dhe me “Belavia” në linjën Tiranë – Minsk dhe kthim.
TIA u kërkon pasagjerëve të kontaktojnë kompanitë ajrore përpara çdo udhëtimi dhe shtetet pritëse për rregullat e karantinës dhe të respektojnë protokollet e higjienës. Sipas TIA-s, maskat janë të detyrueshme.⠀⠀
⠀⠀
“Nisjet nga Shqipëria janë ende të kufizuara për personat që nuk janë të pajisur me leje qëndrimi apo pasaportë për destinacionet e Bashkimit Europian. Lejohen të udhëtojnë vetëm rezidentët në Bashkimin Europian dhe nënshtetasit e Bashkimit Europian”, bën të ditur TIA. /atsh
