Kryetari i PD-së Lulzim Basha ka zhvilluar një takim me sipërmarrësit e vegjël dhe fermerët në Marikaj.
Basha i garantoi fermerët dhe bizneset se qeveria e ardhshme do jetë në krah të tyre.
Ai tha se dëgjoi shqetësimet dhe problemet e fermerëve të zonës, dhe i garantoi se qeveria e ardhshme do jetë në krah të tyre. “Taksat dhe lekët e shqiptarëve nuk do të shkojnë më për 5 veta”, tha ai.
Basha theksoi se qeveria e ardhshme do çlirojë ekonominë dhe do shtojë mundësitë për punësim.
“Do çlirojmë mundësitë, të punoni të gjithë edhe sipas mundësive që, sigurisht do vijnë duke u rritur, kur të çlirohet ekonomia edhe ju të fitoni, të punësoni, të ketë mirëqenie. S’mund të jetë Shqipëria e 5 vetave”, u shpreh Basha. /atsh
