Në 24 orët e fundit janë shëruar 15 qytetarë, duke e çuar në 925 numrin e të shëruarve, që nga fillimi epidemisë.
Flutura Beqo nga Ministria e Shëndetësisë dhe Mbrojtjes Sociale, tha sot në komunikimin e përditshëm se “deri tani janë kryer mbi 18 mijë testime molekulare dhe serologjike dhe janë konfirmuar pozitivë 1232 raste”.
“Ndërkohë në Laboratorin e Virologjisë në ISHP kanë vijuar testimet për të dyshuar të prekur me COVID-19 dhe vazhdon puna intensive e epidemiologëve në terren për gjurmimin aktiv të rasteve në të gjithë vendin”, – tha Beqo.
Në vendin tonë janë aktualisht 273 persona aktivë me COVID-19, rreth 70% e të cilëve janë në Tiranë. Në 24 orët e fundit janë kryer 253 testime nga të cilat janë konfirmuar 20 raste pozitive, përkatësisht, 10 raste në Tiranë, 3 raste në Shkodër, 3 në Krujë, 2 në Durrës, 2 në Tropojë./atsh
