Sherr me thika në “Laprakë”, plagoset një person. Kapet autori.

Një sherr me thika ka ndodhur ditën e sotme në “Laprakë” ku dy persona janë konfliktuar me njëri-tjetrin dhe për pasojë, njëri prej tyre ka mbetur i plagosur.

Ai është shtetasi A.Z. 30 vjeç. Ai është dërguar në spital jashtë rrezikut për jetën. Policia gjithashtu ka arrestuar autorin e ngjarjes.

Njoftimi i Policisë

Më datë 28.08.2017, rreth orës 22:15, në numrin e emergjencave 112, ka ardhur njoftim për një konflikt në Rrugën “Pandi Dardha”, Laprakë.

Menjëherë kanë shkuar shërbimet e Komisaraitit të Policisë Nr 3, të cilët kanë konstatuar shtetasin A. Z., 30 vjeç, të dëmtuar me mjete prerëse thikë, i cili është dërgua për në S.Q.U., ku ndodhet nën kujdesin e mjekëve.

Nga hetimet paraprake të kryera nga Specialistët e këtij Komisaraiti ka rezultuar se shtetasi A. Z., ishte konfliktuar me shtetasin:

– Ardit Ibro, 32 vjeç, banues në Tiranë, i cili është arrestuar në flagrancë nga Shërbimet e Komisariatit të Policisë Nr 3.

Grupi hetimor nga hetimet paraprake ka mësuar se këta shtetas janë konfliktuar për arsye banale midis tyre.

Nga kqyerja e vendit të ngjarjes është bërë e mundur gjetja dhe sekuestrumi i mjetit prerës thikë.

Materialet proceduriale do ti kalojnë Prokurorisë së Rrethit Gjyqësor Tiranë, për veprat penale “Plagosja e rëndë me dashje” dhe “Prodhimi dhe mbajtja pa leje e armëve të ftohta”, parashikuar nga Nenet 88 dhe 279 të Kodit Penal.