Në Ditën Ndërkombëtare të Familjes, Presidenti i Republikës, Ilir Meta ka uruar qytetarët me një thënie të Shenjtores “Nënë Tereza”.
“Çfarë mund të bësh për të promovuar paqen në botë? Shko në shtëpi dhe duaje familjen tënde!”, shkruan Presidenti Meta.
“Gëzuar Ditën Ndërkombëtare të Familjes, me këtë thënie të mençur dhe aktuale në çdo kohë të Shenjtores sonë Nënë Tereza!”, thekson Presidenti Meta.
Asambleja e Përgjithshme e Kombeve të Bashkuara, e ka shpallur 15 Majin si Ditën Ndërkombëtare të Familjes, në mënyrë që të rrisë ndërgjegjësimin për problemet dhe çështjet e familjes dhe për të ndihmuar që këto çështje të fitojnë rol të rëndësishëm në politikat e shteteve anëtare.
Qëllimi i shënimit të ditës ndërkombëtare të familjes është që të promovojë familjen dhe vlerat e saj, nxitjen e barazisë midis grave dhe burrave në familje, mbrojtjen e familjes si njësi bazë e shoqërisë dhe për të ndihmuar familjet për të përmbushur përgjegjësinë e tyre për komunitetin./atsh
