Organizata Botërore e Shëndetësisë (OBSH)deklaroi se të gjitha provat tregojnë se koronavirusin e ri e kanë bartur lakuriqët tek njerëzit në Kinë nga fundi i vitit të kaluar dhe nuk e ka origjinën nga ndonjë laborator.
“Të gjitha provat e disponueshme tregojnë se virusi ka origjinë nga kafshët dhe nuk është prodhuar ose manipuluar nga shkencëtarët,” theksoi zëdhënësja e OBSH-së, Fedella Çaib në një konferencë shtypi në Gjenevë.
Presidenti amerikan, Donald Tramp javën e kaluar tha se qeveria po përpiqet të përcaktojë nëse virusi e ka origjinën nga ndonjë laborator në ëuhan, Kinë.
Akoma nuk është e qartë se si virusi është bartur nga kafshët tek njeriu. /atsh
