Kryetari i PD, Lulzim Basha deklaroi sonte se “gjithë energjitë dhe resurset e qeverisë duhet të shkojnë për të lehtësuar krizën”.
Në reagim pas mbledhjes së Këshillit të Sigurisë, Basha tha se “në mbledhjen e KSK detajova arsyet, nevojën dhe përfitimet që kanë qytetarët nga rritja e testimeve, si dhe i kërkova qeverisë mbështetjen për familjet në nevojë dhe bizneset në këto kohë të vështira”.
“Njerëzit duan garanci për jetën, shëndetin dhe mirëqenien e tyre. Ky është angazhimi im dhe i opozitës. Gjithë energjitë dhe resurset e qeverisë duhet të shkojnë për të lehtësuar krizën dhe jo për sulme politike, sepse sot shqiptarët e papunë dhe në vështirësi ekonomike, kanë nevojë për mbështetje të menjëhershme”, tha Basha. /atsh
